طريقة عمل .سلاطة الذرة بالصور
الكمية تكفي: 4 أشخاص
وقت التحضير: 10 دقائق
وقت الطهي: 10 دقائق
المقادير: جبت الذرة منين..هو في علب بتتباع في السوبر ماركت..علب الذرة
الصفراء..أنا بأة السنة اللي فاتت اخترعت اختراع..و هو بكل بساطة..كوز
الدرة العادي..ايوة اللي بنشويه دة..كان عندي كوز و ما حدش راضي ياكله
التحضير: شف..فرفته..و أخدت الحبات سلقتها..و لحد ما تستوي عملت التالي..
بصلة+فصين توم مبشورين..(بالمبشرة الصغيرة دي..مليانة 2.5..فرحت أوي
بيها)+ملح+فلفل+كمون+بشر ليمونة..و عصير الليمونة دي..زيت وخل..و تقلبي دة
كله..على فكرة التتبيلة دي أساسي عندي في أي سلاطة مش بتخلي للبصل ريحة
خالص..بعد ما تاكليه يعني..المهم ان لو الدرة اتسلقت قلبيها كمان
معاهم..عملت ايه تاني..زارعين في الجنينة عندنا الريحان اللي ورقته عريضة
بتاع الطبخ..و شوية بقدونس او كسبرة صغيرين..رحت مقطعاهم على
الطبخ: الخلطة دي..أنا بالظبط أخدت 3 ورقات ريحان..و البقدونس أو الكسبرة
كانت صغيرة أوي..يادوب بس تدي لون كدة..و بعدين قطعت خيارة..طماطمة..و
قلبت..و صورتها لكم..و بالهنا و الشفا..على فكرة السلاطة دي مرنة جدا..يعني
ممكن تحطي فيها أي حاجة عندك..جرجير..بقدونس..فجل..أبيض..أو أحمر..خس..أي
حاجة..أة حطيت كمان فلفل أخضر..بس مش القرن كله علشان كان
حراق..جربوها..على فكرة..ممكن تشيلي الدرة..و تحطي فاصوليا بيضاء..أو
حمص..لكن دة هسيبه للتجارب
(( دلع الاغانى على مزاجك ))